نــكــــــت WW

-
هذا واحد السيد سامط دايما يروح للفرمسيان (الصيدلي) يقولو عندك نعناع يقولو ماعنديش
غدوة من ذاك كيف كيف يقولو ماعنديش
خطرة الفرمسيان قال والله نجيبلو النعناع
غدوة جا ليه السيد قالو عندك النعناع قالو إيه عندي
قالو سبحان الله جامي شفت فرمسيان يبيع النعناع
2-
هذي عائلة الكل مايسمعوش مليح ،
الولد قال لباباه : راني حاب ناكل الخيار
باباه قال ليماه : يا مرا وليدك راهو حاب دينار
يماه قالت لختو : يابنتي خوك راهو حاب يلعب القمار
ختو قالت لجداها : جدة ، ماما دخللها في رجلها مسمار
الجدة قالت : هذا ما بقى ،خص غير تخرجوني مالدار
3-
غبي يتكلم أمام المروحة علاه ؟ باش يتكلم على الهواء مباشرة

4-
بخيل نام روحو يصدق ، كي ناض حلف مايزيدش يرقد



5-
واحد يحب النوم بزاف ،شرى سريرين باش يشبع نوم

6-
بخيل قال لولادو كي تنجحو في القراية نديكم تشوفو أطفال ياكلو لاكريم


7-
واحد كان راكب في سيارتو مع ولادو، عقبو على مسبح سقساه وليدو واش هذا؟ قالو والله مانعرف،زادو عقبو على ناطحة سحاب قالو واش هذا ، قالو والله مانعرف ،زادو عقبو على ملعب قالو واش هذا ، قالو والله مانعرف ، قالتلو يماه اسكت راك عييت باباك ،قاللها خليه يسقسي باش يتعلم


8-

قالك مرة عجوزة دخلت القهوة قالتلوا ولدي قداه القهوة قالها 10دج قالتلوا والسكر قالها باطل قالتلوا حطلي زوج كيلوا...........


9-

قالك خطرا جماعة مهابيل داهم الطبيب للبحر مالا دخلوا بكل للبحر يعومو غير واحد باقي علي الشط ويشوف مع لبحر جاه الطبيب حاطوا صحا قالوا واش راك دير .....قالوا راني نخمم كون جا هاد لبحر جاري واش يكفيه من خبز


10-

واحد الشاب طنه يتبع المقابلات الرياضية حياتو كامل على التلفاز،مرة جاه وليد عمو قالو نرحو نتفرجو ماتش فالملعب - الصطاد -،كي كثر عليه راح معاه كي وصلوا ودخلوا بدات المقابلة والمتفرجين يعيطو ويصفرو ويصرفقو وماتش نهائي كبير ،شاف معاه وليد عمو لقاه يشوف للسماء ويدور في راسوا ،قالوا واش راك تشوف كشما راك تحوس ،قالوا راني نفتش على - مباشر - وين حطوها ..........؟؟؟؟؟

* أنتظــــــــــر منــــــــكم كلمــــــــات شـــــــــــكر *