اختبري حبيبك

موضوع: اختبري حبيبك الثلاثاء مايو 22, 2012 5:26 pm

السلام عليكم ورحمة الله وبركاته ..

أخواتي البنات وخطابي للبنات قبل الشباب لان البنت ماعندها خبره باللي يعرفه الشاب ..

الموضوع حساس جدا لكنه
واقعي وانا راح اتكلم معاكم بتجرد وبدون تصنع وكلام بسيط الكل يفهمه عشان
نكون قريبين من بعض والكل يخاف من الخوض في هذا الموضوع او الرد عليه مع
اننا بحاجه اننا نكون صريحين مع انفسنا ونواجه الغلط ومانتهرب منه
...واتمنى من الجميع التفاعل ...!!

طبعا في عصر الانترنت والسرعه
والتطور اللي قرب المسافات وخصوصا بين البنت والولد وانا متأكد ان غالبيه
بنات المنتديات إن لم يكن جميعهن اقل شيء يكون عندها ماسنجر وفيه مشرف على
قسم معين مراقب كاتب و و و الخ

بتجي
بنت الحين ترد وتقول مو كل البنات خربانات ومو كل البنات يتعرفون على شباب
وأقولها اختي الغاليه لاتستعجلين وانا ماكتبت هذا الكلام الا لأني ابغى
مصلحتك قبل اي شي ..

وانا ماحكمت عليك بالخراب واتهمتك في شرفك اللي خايف عليه ..

أنا باجي لسؤال مباشر الحين واقول للبنت اللي متعرفه على شاب ..!!

هل البنت إذا تعرفت على واحد بينتهي هذا التعارف او الحب الى الزواج؟؟؟

أكيد مستحيل لأن البنت يوم تتعرف
على واحد وتطلع معاه ، تصغر في عين هذا الشاب ( هذا الشيء يتكون داخل نفسية
الرجل ولو بين او مثل عكس هذا ) وأقسم بالله العظيم يابنات هذا هو الواقع
وهذه نظره الشباب مهما حاول يثبت لك العكس ويبين لك أنك شريفه وغير كل
البنات ...

وهذا الشيء أكيد وطبيعي لأنها تخلت عن شرفها وعفافها وقبلت انها تكلم و تطلع مع واحد غريب فكيف يتزوجها؟؟؟؟

اصلا حتى المخطوبين بشكل رسمي الرجل او الخطيب ما يعرض على خطيبتة انها تطلع معاه او تعمل شيء معاه غلط قبل الزواج..!!

فكرة كل ما تتنازل البنت وترضخ لطلبات اللي متعرفة عليه تصغر زيادة وزيادة في عينة وفي نفسة
( وطبعا هو ما يهمة تصغر في عينة شوي ولا كثير هو اهم شيء عنده ان يتسلى ويستمتع فيها ) .

ليش الشاب يوهم البنت اللي متعرف عليها بالزواج ويعيشها في عالم الحب ؟؟

وهي تستاهل اللي يجيها او يحصل لها من علاقتها مع الشباب او احد الشباب ،
ولهذا السبب يستحلون فيها اي شيء على أساس ان اللي تبغي تحافظ على نفسها ما
تكون مثل هذي البنت اللي فكرت بالتعارف او تكوين أي علاقة غير شريفة وغير
شرعية ومشت في طريق الغلط...

الشباب او الشاب هو في أغلب
الاوقات هو اللي يطلب ويلح على البنت ، بس مدام هي وافقت في النهاية ، اي
شيء يحصلها او يعمله معاها هي من الموافقة الأخيرة للبنت (وهذا رأي
الشباااااااااااب)
وفي بنات يفكرون ((((يوهمون انفسهم))))ويقتنعون بأن الشخص اللي تكلمه او
تحبه هو غير عن كل الشباب اللي تسمع عنهم او تقرأ قصصهم في المجلات
والافلام والمسلسلات؟
لا مهوب غير واقسم لك بالله انه مو غير تبين تتأكدين أنا اقولك ..

ملاحظة كبيره جدا وتحتها الف خط

:

هذا
السبب اللي ضيع الكثير من البنات ((((هذه الثقة لشخص غريب محرم عليها))))
لان مو معقولة ان بنت تعمل شيء غلط مع واحد وهي مش مقتنعة بأن هذا الشخص
ماراح يتزوجها ، لازم تكون مـقـتـنـعة ، ولو حتى تصديق وعد بالكلام بأنة
بيزوجها. هذا السبب القوي في نفسية البنت و اللي يخلي وخلا الكثير من
البنات انهم يتنازلون عن شرفهم وعفافهم ، لأن البنت تشوف هذا المتعرفة عليه
غييييييييييييييييييييييييييييير عن كل الشباب ، هذا لأنها حبته ووثـقت
فيه وسلمت نفسها له ، ويوم سلمت نفسها لهذا الشخص الغريب وعذرا لهذه الكلمة
الجارحة ، وللاسف والله الكثير من البنات يغلطون مع بعض الشباب وهم مصدقين
ومقتنعين و عندهم امل كبير بالزواج بعد الغلط ، وتقول البنت منهم خلاص هو
غلط معاي يعني أكيد بيصلح غلطته وبيتزوجني وان الغلط هذا دليل على قرب
الزواج ، وهذا تفكير الجهلات...

وأزيدكم
من الشعر بيت الكثير من البنات اللي خربو ما تنصح صديقاتها وتحذرهم من هذا
الطريق ، بل بالعكس تساعدهم على انهم يتعرفون وتشجعهم على الانحراف و تزين
لهم التعارف والحب وغيرذلك ، وهذا الشيء يكون بطريقة مباشرة وغير مباشرة و
الأخطر الغير مباشرة بدون ما تذكر لهم مخاطر هذه العلاقات المحرمة
وهذه حالة نفسية في كل شخص خربان او ماشي في طريق او بطريقة غلط غير الطرق
المعروفة والشرعية ويحاول يخرب غيرة عشان يكون مثله وما يكون في طريق الغلط
لوحدة

ملاحظة واستدراك لما سبق :

حتى لو كانت البنت تقول انا بنت
حلال وبنت عائلة معروفة محترمة وسمعتي ما عليها كلام ، هذا الرأي حتى لو
كان حقيقة او صحيح فهذا مقتصر عليك أنتي وعلى اللي حوليك ، بس اهل الولد ما
يعرفون هذا الشيء وحتى مايفهمون هذا الشيء وخاصة في مسئلة الزواج ( وخاصة
لانة ولدهم تعرف عليك بالترقيم... وغيرة ، وهذا الشيء يدل على انة البنت مو
كويسه و مو محترمة

وطبعا الشباب عندهم كذبة معروفة لهذي المسئلة يقولون للبنت انه بيقول لأهلة
انك صديقت اختي اوعرفـتـك عن طريق اختي وأنتي صديقتها وخلاص ... لا وبعد
فيه طبعا كذبات اخرى على حسب الوضع .... تحسون من هذي الكذبة اوالخطة
لتغطية العيوب والعيب الكبير في علاقتهم والخروج عن المألوف(وهم ما ذكروها
الا لأنهم يعرفون ان في شيء مو طبيعي في علاقتهم) ، وأنها في الأصل كذبة
وليش هو مضطر للكذب مدام هذا الشيء مو عيب او يجوز (هذي الكذبة مخصصة
للبنات)

ثاني شيء حتى من هذي الكذبة لو كنتي مصدقـتـها هو بيكذب على أهلة على امة
وأبوه ، هل تتوقعين من واحد مثل هذا الكذاب انة ما يقدر يكذب عليك بعد؟

واذا هو قالك انة يكذب عشان هو يحبك وانة بيكذب على اهلة عشانك وعشان هذا
الحب ، انا اقول هو يكذب عليك عشان تستمرين معاه في علاقتكم وبس . واقسم لك
بالله العظيم هذا هو المقصد لأن فاقد الشيء لا يعطيه ..

واذا جالك انا برتب مع اهلي او انا متفاهم ومعاهم ، تتحرين هذا الكلام بهذي
السهولة تتحرين انة هو يوم كذب عليك يقدر يكذب على اهلة وخاصة مع ابوه !!

أسئلتهم بتختلف عن الأسئلة اللي تسئلين فيها نفسك وتسألينة فيها هذا الكذاب
اللي متعرفة عليه ، وشعورك وانتي تسألين هذي الأسئلة تختلف عن شعور أهله
وخاصة ابوه .......

يعني انتي شعورك تبين منه انه يطمنك بانه مو كذاب ويبغى يتزوجك ، لكن أسئلة
أهلة لازم يكون فيها استنكار لهذا الشيء ولازم في نوع منالرفض يختلف عن
نوع سؤالك ، انتي سؤال في نوع من الترجي والطلب عشان يتزوجك....يعني
بالعربي راح تنذلين له وانتي والله عزيزه ومكرمه في بيت اهلك وابوك وبيجونك
خطاب لو مشيتي صح ليه تجنين على نفسك في الطريق الغلط؟؟؟؟

وهذي بعض الدلائل والإشارات التي تدل على الواحد بأنه ما بيتزوج بنت متعرف عليها من قبل ...

ليش يتزوجها مدام اللي يبغاه منها خلاص أخذه وبرضاها ، وعلى فكرة يوم البنت
تكتشف او تحس بعد فوات الأوان انها انخدعت وتبدأ تقول وتلح على هذا الشاب
اللي خدعها ، انت لازم تتزوجني بسرعة ، يا انه يعمل معاها مشكلة ويختـفي او
يهرب منها ويقول لها انا بسافر او بيرد عليها بكل صراحة انتي عطيتـني
برضاك وما في احد غصبك على شي ، وانا بصراحة ما قدر اتزوجك او بصراحة ما
أبغي اتزوجك . وهذا اللي اسمعة كثير ودايم من أهل التجارب ..واللي يبغونة
الشباب.
تبين إثبات أكثر من هذا وأنه ماراح يتزوجك وتعرفين وش نوعيته باختبار بسيط؟؟؟

أعطيك بدال الواحد عشره ..

وانتي تكلمينه اليوم مثل العادة قولي له ان سمعت أن أختك او بنت أختك فلانه
متعرفه على واحد اني شفت بعيني هذا الشي راح يتصرف معاكي تصرفين لاثالث
لهما ...

التصرف الأول أذا عنده نخوه وحميه وغيره على المحارم مثل ماتشوفينه بعينك
بيتوعد فيها ويسب ويلعن ويشتم وقتها بتعرفين قيمتك أنتي عنده لانه مارضاها
على اخته

تبين تجربين طريقه ثانيه بعد؟؟؟؟

تخيلي انك تسألين هذا اللي متعرفة عليه وتكلمينة وقلتيلة كم صديق عندك
محترم وكفو ومثالي اذا قالك عشر اصدقاء ، قوليلة ليش ما تعرف واحد منهم او
تعرف عشرة على اختك او بنت عمك عليهم وتخليها تختار منهم اللي تشوفة مناسب
لها يعني وسيم ، يحبها جدا و يوعدها بأنة يتزوجها يعني مثل ما انا اخترتك
ورضيت اتعرف عليك ليش ما تخلي اختك وبنت عمك بعد مثلي ، عشان يجربون الحب
وحلاوتة ، اكيد ما بيرضها او ما يعملها
لان هذولي من بنات اهلة وله غيرة عليهم ، بس انتي لا اختة ولا زوجتة ولا من
اهلة ولا تقربين له فليش يغار عليك ؟؟وهو يرضى لك بس ما بيرضها على بنت من
بنات اهلة

وراح يتصرف نفس التصرف السابق اللي شرحته

اااسف على الاطاله اوووو مضايقة اي شخص

مع تحياتي

اختبري حبيبك 2225825816

الف شكر على الموضوع الاكثر من رااااائع
جزاك الله كل الخير اختي

شكراااا يمكن تجريبها على بنات او لاا

يحسها طريقة خطيرة مرة كثير

الله يبارك فيك على الموضوع الحلو

شكرا ماقصرتي تشكري على المجهودات الجبارة